Wednesday, March 21, 2007

हिरव्या मिरचीचा खर्डा (Green Chili Thecha)

(Link to English Recipe)

हा एक अस्सल कोल्हापुर सातारा भागातला पदार्थ. करताना आणि खाताना स्वत:च्या जबाबदारीवर करावा/खावा :)

१५-२० हिरव्या मिरच्या देठ काढुन धुवुन
मुठभर कच्चे शेंगदाणे
मुठभर कोथींबीर
५-६ लसुण पाकळ्या (आवडीप्रमाणे कमी जास्त केल्या तरी चालतील)
मीठ
भाजण्यापुरते तेल

कृती - कढई मध्यम ते मोठ्या गॅसवर तापायला ठेवावी. एक चमचाभर तेल घालुन मिरच्या सतत हलवत भाजाव्यात. तसेच दाणे, कोथींबीर भाजुन घ्यावी. लसुण कच्चा किंवा भाजुन घ्यावा. सगळे पदार्थ खलबत्यात घालुन बारीक करावे. खर्डा साधारण बारीक होत आला की मीठ घालावे.

हा पदार्थ भाकरीबरोबर मस्त लागतो. खाताना खर्ड्यावर कच्चे तेल घालुन किंवा दही घालुन खावे.

टीप - खलबत्यात बारीक करणे कष्टाचे आहे आणि मिरची खुप तिखट असेल तर थोडे धोक्याचे पण आहे त्यामुळे मिक्सर मधे बारीक केले तरी चालेल. जर मिक्सरवर बारीक करताना हवे असेल तर पाणी न घालता कच्चे तेल घालावे.

2 comments:

  1. हं... तोंडाला पाणी सुटले...

    ReplyDelete
  2. mixer madhun barik kela tar majaa yet nahi..

    ReplyDelete

Thank you for stopping by my culinary adventures. I appreciate your visits and comments. Please stop by again.

भाजीचे सांडगे

महाराष्ट्रात खूप प्रकारची वाळवणे करण्याच्या पद्धती आहेत. त्यामागचा मुख्य उद्देश पदार्थ टिकवून गरजेवेळी वापरणे. यात सगळ्याप्रकाराचे पापड, कु...