कैरीची डाळ (Kairichi/Ambyachi Daal)

कैरीची डाळ




चैत्र महिन्यात ही डाळ करायची प्रथा आहे.

१ कैरी (अमेरीकेमधे मिळणार्या कै~याना अंबटपणा यथातथाच असतो त्यामुळे १ कैरी लागते भारतातल्या कैरी मधे तोतपुरी घेतला तर १ मध्यम कैरी लागेल साधी कैरी वापरली तरी चवीप्रमाणे कमी करावी लागेल.)
१ वाटी हरबरा डाळ
२-३ हिरव्या मिरच्या (चवीप्रमाणे कमीजास्त कराव्यात)
मीठ चविप्रमाणे
१ टीस्पून साखर
१/२ इंच आल्याचा तुकडा
फ़ोडणीपुरते तेल
फोडणीचे साहित्य - हिंग, जिरे, मोहरी, हळद, कढीपत्ता
बारीक चिरलेली कोथिंबीर

कृती - हरबरा डाळ थंड पाण्यात कमीतकमी २ ते ३ तास भिजत घालावी. कैरीची साल काढुन त्याचे तुकडे करावेत किंवा सरळ कैरी खिसुन घ्यावी. हिरव्या मिरचीचे मध्यम तुकडे करावेत, आल्याची साल काढुन त्याचे पण तुकडे करावेत. कैरी, डाळ, मीठ, आले, मिरची एकत्र करुन मिक्सरमधे जाडसर वाटुन घ्यावे. कैरी खिसली असेल तर मिक्सरमधे बारीक न करता तशीच डाळीमधे मिसळली तरी चालते. साखर घालुन सगळे एकत्र नीट मिसळुन घ्यावे.
तेलाची हिंग, जिरे, मोहरी, हळद, कढीपत्ता घालुन खमंग फोडणी करुन डाळीवर घालुन अजुन एकदा नीट मिसळुन घ्यावे. वरुन बारीक चिरलेली कोथिंबीर घालावी.

टीप - ही डाळ तशीच खायला, पानाच्या डाव्या बाजुला वाढायला चांगली वाटते. टॉर्टीया चिप्स बरोबर सालसाच्या ऐवजी पण मस्त लागते.

Comments

  1. तुमचे सारे वाचक फ़क्त अमेरिकेतच असतात असं तुम्हाला का वाटतं बरं?

    ReplyDelete
  2. अश्विनि, चुकीची दुरुस्ती केली आहे. तुमची सुचना लक्षात ठेवेन :)

    ReplyDelete
  3. tumchya recipes vaachun phar ananda jhala

    ReplyDelete
  4. Thank you for recipe. Please do write regularly

    ReplyDelete

Post a Comment

Thank you for stopping by my culinary adventures. I appreciate your visits and comments. Please stop by again.