Posts

Showing posts from September, 2007

शेपुची भाजी (Shepuchi bhaaji)

Image
(Link to English Recipe)

आज गौरी येणार. आज तिला भाजी भाकरीचा नैवेद्य तिन्हीसांजेला. माझ्या मम्मीची ही शेपुच्या भाजीची रेसीपी गौरीनिमित्त तुम्हा सर्वांसाठी.


१ जुडी शेपुची भाजी निवडुन बारीक चिरुन
१ मुठ तुरडाळ
१ मुठ तांदुळ
१ चमचा जीरे
चवीप्रमाणे मीठ
२-३ हिरव्या मिरच्या बरीक चिरुन किंवा पेस्ट करुन
१ टी. स्पू. तेल

कृती -
कुकरच्या भांड्यात तांदुळ आणि डाळ धुवुन घ्यावे. त्यात थोडे पाणी घालावे (साधारण १/२ वाटी). त्यावर चिरलेल्या भाजीतली अर्धी भाजी घालावी. त्यावर मीठ, मिरची, जिरे आणि तेल घालावे. वर उरलेली भाजी घालुन कुकरमधे ठेवुन साधारण २-३ शिट्ट्या कराव्यात. कुकरचे प्रेशर उतरले की भांडे खाली काढुन भाजी रवीने किंवा पळीने घाटुन घ्यावी. त्यात हवे असेल तर एखादा चमचा तेल घालुन गॅसवर ठेवुन एक उकळी आणावी. झाली भाजी तयार.
वाढताना त्यावर थोडेसे तुप घालुन वाढावे.

टीप -
१. मम्मी ह्या भाजीला फोडणी वगैरे काही घालत नाही.
२. गरम भाकरी भाजी आणि तुप मस्त लागते!
३. सहजी मिळणे शक्य असेल तर त्यात लाल भोपळ्याची पाने चिरुन घालावीत. त्याने भाजी चांगली मिळुन येते. साधारण १ जुडीसाठी ४-५ पाने घालावीत. बरेचदा भाजी …

पंचखाद्य (Panchakhadya)

Image
गणपती जवळ आले की घरोघरी प्रसादाची, पुजेची तयारी अगदी जोरदार चालु होते. हा पंचखाद्याचा प्रकार आमच्या घरी म्हणे परंपरागत चालु आहे. त्यात परिस्थिती आणि काळानुसार नक्कीच बदल झाले असतील. पंचखाद्य म्हणजे कमीत कमी पाच पदार्थ असावेत आणि मग आवडीनुसार त्यात काही जास्तीचे जिन्नस घातले तरी हरकत नाही.



१ वाटी किसलेले खोबरे
४-५ चमचे साखर
४-५ खारका
५-६ बदाम
४-५ काजु
२ टी.स्पू. खसखस
१-२ वेलचीचे दाणे
चिमुटभर जायफळाची पावडर

कृती - खिसलेले खोबरे कोरडे भाजुन घ्यावे. खसखस भाजुन ओबडधोबड पूड करुन घ्यावी. साखर, वेलची, जायफ़ळ एकत्र करुन पूड करावी. खारकेच्या बिया काढुन टाकुन बारीक तुकडे करुन जेवढी बारीक करता येईल तितकी बारीक पूड करुन घ्यावी. काजु,बदाम बारीक चिरावेत अथवा ओबड्धोबड पूड करुन घ्यावी. आता ही सगळी सामुग्री एकत्र करावि. झाले पंचखाद्य तयार.