रेड चार्डची भाजी (Red Chard (Maharashtrian style))


Red Chard


माठ, तांदळी, राजगिरा या भाज्या अमेरीकेमध्ये आल्यावर खायला मिळेनाश्या झाल्या आणि मग त्यांना पर्याय शोधणे आले. तेव्हा इथे रेड चार्ड नावाची भाजी मिळते हे समजले आणि एकदा तो *मोदळा घरी आणुन त्यावर प्रयोग केले. त्यातला एक प्रयोग यशस्वी झाला तो हा -

Ready Bhaji

१ जुडी रेड चार्ड
३-४ लसुण पाकळ्या
२-३ हिरव्या मिरच्या (चवी प्रमाणे कमी जास्त किंवा पूर्णपणे वगळल्यास हरकत नाही)
चवीप्रमाणे मीठ
फोडणीसाठी तेल, जिरे, मोहरी आणि हळद

कृती - चार्ड आणुन स्वच्छ धुवुन घ्यावा. या भाजीला प्रचंड रेती चिकटलेली असल्याने नीट धुवुन घ्यावी लागते. दांडे जून असतील तर टाकुन द्यावेत कोवळे असतील तर बाजूला काढुन ठेवावेत. आता भाजी मध्यम कापून घ्यावी. ही पाने खूप लांब आणि रुंद असतात त्यामुळे उभी आडवी दोन्ही बाजुने कापावीत. कोवळे देठ बारीक कापुन घ्यावेत. लसूण ठेचुन घ्यावा. एका कढईत तेल तापवून नेहेमीप्रमाणे फोडणी करुन त्यात ठेचलेला लसुण घालावा. मिरची घालणार असाल तर उभी चिरुन घालावी. त्यावर चिरलेल्या भाजीपैकी अर्धी भाजी घालुन त्यावर थोडे मीठ घालावे. त्यवर उरलेली भाजी घालावी. गॅस बारीक करुन झाकण ठेवावे. २-३ मिनीटामध्ये भाजी वाफेने खाली बसेल तेव्हा परतावी. नीट परतून घेऊन शिजली की भाकरीबरोबर अथवा चपातीबरोबर गरम गरम खावी.

टीप - १. लसूण खिसुन अथवा कापून न घेता शक्यतोवर ठेचुन घ्यावा.
२. या भाजीला तेल कमी लागते. भाजीला सुटणा-या पाण्यात ती नीट शिजते.

* मोदळा - गावाकडे भाजीच्या किंवा गवताच्या मोठ्या पेंडीला मोदळा म्हणतात.

Comments

  1. इथे पालक सोडून हिरव्या पालेभाज्या फार मिळत नाहीत. ही चार्ड शोधून करायला हवी एकदा!

    ReplyDelete
  2. Hi Minoti, I have been reading your blog for a while and you have some lovely recipes here. I love chard, so I'm looking forward to try this one.

    ReplyDelete
  3. मी पण कालच चार्ड घेऊन आले बाजारातुन!! चार्डप्रमाणेच केल (kale) ही छान लागतं.

    ReplyDelete
  4. Minoti, I have made this chard bhaji twice already - what a keeper recipe! Thanks.

    ReplyDelete
  5. EvolvingTastes - Thank you :)

    I am planning to make the Pear, Apple and Cranberry Crisp over this weekend!

    ReplyDelete

Post a Comment

Thank you for stopping by my culinary adventures. I appreciate your visits and comments. Please stop by again.