मेथी-मटर-मलाई (Methi Matar Malai)

Methi MaTar Malai
Methi-Matar-Malaai

मलई, दूध, दही वगैरे दुग्धजन्य पदार्थ शक्यतो वापरायचे नाहीत असे मी साधारण ७-८ वर्षांपूर्वी एका सेमिनारला गेले असताना, दुधासाठी, मांसासाठी प्राण्यांचे किती हाल करतात ते पाहिल्यावर ठरवले. त्यानंतर माझ्या स्वयंपाकाच्या पद्धतीमधेदेखील खूप बदल झाले/केले. माझा स्वतःचा 'दूध खूप पौष्टीक असते' वगैरे भाकडकथांवरचा विश्वास उडाला. असेही पनीर वगैरे पंजाबी पदार्थ माझ्या फार आवडीचे नव्हते आणि अजुनही नाहीत. पण मेथी-मटर मलाई मला अतिशय आवडणारा. साधारण ५ वर्षापूर्वी मी ही भाजी एका पॉटलकसाठी केली आणि कोणाचाही विश्वास बसला नाही की त्यात मलई घातलेली नाहीये. त्यानंतर थोडा बदल करुन मी ही भाजी जास्त चविष्ट आणि आरोग्याला चांगली अशी बनवायला सुरुवात केली. संगिताने व्हीगन रेसिपींविषयी विचारले तेव्हाच ठरवले की ही भाजी करुन, फोटो काढुन मगच लिहायची.

१ मोठी जुडी मेथी
१ कप मटार
५-६ काजु
४-५ बदाम
१ मध्यम कांदा
१ मोठा टोमॅटो
१ टीस्पून गरम मसाला
मीठ, लाल मिरची पावडर चवीप्रमाणे
किंचीत साखर
१/२ टीस्पून जिरे, धणे पावडर (प्रत्येकी
फोडणीसाठी २ टेबलस्पून तेल
फोडणीसाठी जिरे, हिंग, हळद.

कृती - काजु, बदाम एका वाटीत कोमट पाण्यात भिजत घालावेत. मेथी निवडुन, धुवुन चिरुन घ्यावी. मटर ताजे असतील तर एक कप मोजुन घ्यावेत. फ्रोजन वापरणार असाल तर १/२ तास आधी बाहेर काढुन ठेवावेत. कांदा सोलुन मिक्सरमधुन बारीक करुन घ्यावा. कांदा वाटताना त्यात शक्यतो पाणी घालु नये. टोमॅटोदेखील मिक्सरमधुन बारीक वाटुन घ्यावा. एका जाड बुडाच्या भांड्यात तेल तापायला ठेवावे. तापले की त्यात जिरे, हिंग आणि हळद घालून फोडणी करुन घ्यावी. त्यात वाटलेला कांदा घालुन परतायला घ्यावा. गॅस शक्यतोवर मध्यम असावा. सतत हलवत राहुन कांदा परतावा. कांदा पूर्णपणे गुलाबी/सोनेरी रंगावर परतला गेला पाहीजे. कांदा पूर्ण परतल्यावर त्यात बारीक केलेला टोमॅटो घालावा. त्यावर मीठ, लाल तिखट, गरम मसाला, जिरे-धणे पावडर. घालून व्यवस्थीत परतून घ्यावे. त्यावर मटर घालुन एखादा मिनिट परतावे. त्यात चिरलेली मेथी घालुन नीट परतून घ्यावे. मेथी आणि मटार शिजण्यासाठी गरज असेल तर भांद्यावर झाकण घालून एक वाफ आणावी. दरम्यान भिजवलेल्या काजु आणि बदामाची एकत्र पेस्ट करावी. एक वाफ आणल्यावर भाजीमधे ती पेस्ट घालुन नीट ढवळावे आणि गॅस बंद करावा.

टीप - १.महत्वाची टीप म्हणजे कांदा नीट भाजला गेला पाहीजे. अर्धवट कच्च्या कांद्याचा वास अतीशय खराब येतो. त्यामुळे कांदा खरपूस भाजला जाणे अतिशय महत्वाचे आहे. १ मध्यम कांदा भाजायला साधारण ५-७ मिनिटे कमीतकमी लागतात.
२. माझ्याकडे गरम मसाला नव्हता म्हणुन मी गोडा मसाला वापरून करुन पाहीले चव अतिशय सुरेख आली तेव्हापासुन मी शक्यतो गोडा मसालाच वापरते.
३. काजु-बदाम कमीतकमी एखादा तास भिजले पाहीजेत. त्यामुळे पेस्ट कणीदार न होता नीट बारीक होते.
४. एकदा लसुण्/आले वाटुन घालुन बघितले पण चव खूप उग्र वाटली म्हणुन आता मी आले/लसुण या भाजीमधे घालत नाही.

Comments

  1. interesting! i wasnt aware tht u cud actually make M-M-M without malai!

    ReplyDelete
  2. pharach chhaan, Mints! This sounds lovely. I plan to try it when I find some good methi and hopefully good tomatoes. :)

    ReplyDelete
  3. Hi Mints,

    Recipe avadali.ani malaishivay karanyachi tuzi kalpakata pan chan..ata karoon baghen ani sangenach..

    Vaidehi

    ReplyDelete
  4. फ़ार छान आहे ही रेसिपी

    ReplyDelete
  5. Cant wait to try:) Nice recipies MiNoT:)

    ReplyDelete
  6. Ketan - try it out! you might like this version more than origional :)

    EvolvingTastes : Thank you! please try out and let me know. You blog is amazing. Planning to try couple of recipes :)

    Vaidehi -Thanks! karun bagh ani sang jaroor.

    Harekrishnji, Morpis and Saneeka - Thank you :)

    ReplyDelete
  7. Hi.. tried this recipe today.

    In spite of you specifically mentioning tips 1 and 3, I did those mistakes. :-D
    So, it(the dish) turned out to be a normal methi+matar subji with groundnut paste, and yes! It tastes horrible. :-|

    Next time, I will try with few extra concentrated efforts and will update here again. Thanks for the recipe anyway.

    Just a note, the pic is not visible in the recipe.

    ReplyDelete
    Replies
    1. HaHa!! I know people make mistakes even after reading the whole post :)
      Thanks for letting me know about the picture.

      Delete

Post a Comment

Thank you for stopping by my culinary adventures. I appreciate your visits and comments. Please stop by again.

Popular posts from this blog

कुरकुरीत कांदा भजी (Kanda Bhaji - Onion Fritters)

इडली-चटणी-सांबार (Idli chutney Sambar)

कारल्याची भाजी (Bitter Gourd Bhaaji)