दोडक्याची चटणी (Ridge Gourd Chutney)









English Version of this recipe - https://sites.google.com/site/vadanikavalgheta/vadanikavalgheta/ridge-gourd-chutney


घरी लावलेल्या दोडक्याला कधीतरी एखादाच दोडका असेल तर भाजी सगळ्यांना पुरायची नाही. आणि दोडका तसाच वेलावर ठेवला तर एखाद्या दिवसात जून होऊन जायचा. आशावेळी मम्मी दोडक्याची ही चटणी करत असे.

१ मध्यम आकाराचा दोडका
१-२ लसुण पाकळ्या
१-२ टेबल्स्पून खिसलेले कोरडे खोबरे
मुठभर शेंगदाणे
३-४ हिरव्या मिरच्या
१ मुठ कोथिंबीर
चवीप्रमाणे मीठ
एक चमचा तेल

कॄती - दोडका स्वच्छ धुवून १/२ सेंटीमीटर जाडीच्या चकत्या करुन घ्याव्यात. शेंगदाणे आणि खोबरे वेगवेगळे कोरडे भाजुन घ्यावेत. कढईत तेल तापवून त्यात मिरच्या आणि लसुण घालावा. किंचीत परतून त्यावर दोडक्याच्या फोडी घालाव्यात. नीट खरपूस भाजुन घ्यावे. दोडक्याच्या फोडी थोड्या गुलबट दिसु लागतील. त्यात खोबरे, दाणे, कोथिंबीर, मीठ घालुन मिक्सरमधुन थोडे जाडसर वाटुन घ्यावे.

टीप - १. एखादा दोडक थोडा जून निघतो अशावेळी त्याची साल थोडी तासुन टाकून उरलेल्या दोडक्याची चटणी करता येते.
आवडत असेल तर दही, भाकरी आणि ही चटणी खाऊन पहाण्यास हरकत नाही.

Comments

Popular posts from this blog

कुरकुरीत कांदा भजी (Kanda Bhaji - Onion Fritters)

इडली-चटणी-सांबार (Idli chutney Sambar)

कारल्याची भाजी (Bitter Gourd Bhaaji)