श्रीखंड (Shrikhand)

(Link to English Recipe)
भारतात श्रीखंड करणे तितकेसे अवघड नाही असे मला वाटते कारण चक्का तयार मिळतो, बरेच ठिकाणी श्रीखंड पण तयार मिळते. त्यामुळे कमी कष्टात श्रीखंड तयार होउ शकते.

अमेरीकेत आल्यावर इतक्या प्रकारचे दह्याचे डब्बे, १%, २%, whole Milk चे असे प्रकार पाहुन मला जरा(अगदी जराच:D) बावचळ्यासरखे झाले होते. त्यातुनही प्रयोगातुन विज्ञान सारखे श्रीखंड केले. पहिल्यांदा केले तेव्हा दही वगैरे घरी आणले आणि मग लक्शात आले की पंचा वगैरे काहीही नाहिये घरी आणि कुठे टांगायचे हाही एक मोठाच प्रश्न. ताबडतोब काकुला फोन केला काय करु? तिने सांगितलेली ट्रिक वापरून तेव्हा चक्का केला देखील. त्यानंतर मी माझी eco-friendly पद्धत शोधुन काढली ती अशी -

Shrikhand


(खालील प्रमाण साधारण ६ माणसांसाठी आहे)

चक्का -
२ Organic fat Free or 1% milk Fat दह्याचे ३२ औंसचे डबे
एक मोठी भाजी धुवायची चाळणी खालील लिंकमधे आहे त्या पद्धतीची.
चाळणी
१ पंचा (पंचा नसेल तर ५ पेपर टॉवेल)

चाळणीत ४ पेपर टॉवेल लावून ठेवावेत आणि त्यात दही ओतून त्यावर १ पेपर टॉवेल झाकून ठेवावा. ते सगळे एका मोठ्या भांड्यावर ठेवावे. हे सगळे रात्री करुन ठेवल्यास सकाळपर्यंत नीट चक्का होतो.

श्रीखंड -

८ टेबलस्पून साखर
४-५ बदाम
१०-१२ पिस्ते
३-४ वेलदोडे
५-६ केशरकाड्या
१ चिमुट जायफळ पूड

कृती - केलेला चक्का चाळणीमधुन काढुन घ्यावा. त्यात झालेल्या गुठळ्या काढण्यासाठी पीठ चाळायच्या चाळणीमधुन किंवा फ़ूड्प्रोसेसर मधुन काढुन घ्यावा. जायफ़ळ, वेलदोडे आणि केशर एकत्र करुन त्याची पूड करुन घ्यावी. बदाम आणि पिस्त्याचे बारीक काप करुन घ्यावेत. गुठळ्या काढलेल्या चक्क्यात बदाम-पिस्त्याचे काप, वेलदोड्याची पूड आणि साखर एकत्र करुन नीट मिसळुन घ्यावे. झालेले श्रीखंड एखादा तास फ़्रिजमधे ठेवावे. बाहेर काढुन परत एकदा नीट एकत्र करावे त्याने केशराचा रंग सगळीकडे नीट पसरेल.

टीप - १. दही शक्यतो Organic वापरा त्याला आंबटपणा चांगला असतो.
२. १ डबा १% आणि एक fat free वापरला तरी हरकत नाही.
३. Non Eco Friendly पद्धतीमधे ५-६ दिवसाच्या वर्तमानपत्रे एकवर एक नीट ठेवुन त्यावर पंचा किंवा पेपर टॉवेल घालुन त्यावर दही पसरावे आणि फक्त २ तासच ठेवावे. जास्ती ठेवले तर चक्का खूप घट्ट होतो. ही वापरलेली वर्तमानपत्रे थोडी वाळवून नेहेमीप्रमाणे recyle करावीत.
४. बर्याच दिवसापूर्वी सोया दह्याचे श्रीखंड केले होते. ते पण चवीला छानच झालेले.

Comments

  1. paper towel chi idea navin ahe..mi try karen nakki

    ReplyDelete
  2. हो ना - पेपर टॉवेलची कन्सेप्ट भारी आहे. पंचा नसल्याने (किंवा असलातरी - ’टांगायचा कुठे?’ असा प्रश्न पडल्याने) बायकोला श्रीखंड म्हणजे काय प्रकार असतो - हे बनवुन सांगायचा (मागच्या ४ वर्षांचा) प्लॅन अखेर अमलात आणता येईल.

    बाकी हे सगळं - म्हणजे केशर वगैरे घातलं नाही तरी चालतं ना? आय मीन नुसता चक्का+साखर? (मे बी वेलदोडे सापडतील घरात कुठेतरी).

    ReplyDelete
  3. baThe saaheb, amhala bolava shrikhanda tayar zala ki.. :-D

    ReplyDelete
  4. Vaidehi - try it - saves lot of trouble!

    Abhijit Bathe - fakt tevadhech ghatale tari harakat nahi. aaNi agadi keshar nahi milale tari badam aani nutmeg tari safeway vagaire madhe nakki miLel :)

    Abhijit - Welcome to my blog :)

    ReplyDelete
  5. Wow! Photo kaslaa tempting aahe. ekandar sopaa aaNi hassle free prakaar aahe haa :)

    Organic, whole milk dahi vaparla tar agadee chitaLyaancha naahitar amul cha shrikhanD khaallyaasaarkha vaaTata! :p

    ekaamaage ek koshimbiree, goDaacha jhaala... aataa jaraa jhaNjhaNeet/khamang yeu dyaa ki kaahitaree :)

    ReplyDelete
  6. have you tried making it with Greek yogurt or Russian yogurt. I heard that those are pretty close to desi dahi. khup ghatta pan asta mhane. I just bought a small pack of Greek yogurt to try.

    ReplyDelete
  7. Random Thoughts, I do like Russian and Greek Yogurts but I would still make chakka as its not as thick as our chakka.

    ReplyDelete
  8. क्लास.........मस्स्स्स्स्स्स्स्स्स्स्स्स्स्स्त एकदम!

    ReplyDelete

Post a Comment

Thank you for stopping by my culinary adventures. I appreciate your visits and comments. Please stop by again.

Popular posts from this blog

इडली-चटणी-सांबार (Idli chutney Sambar)

कुरकुरीत कांदा भजी (Kanda Bhaji - Onion Fritters)

कारल्याची भाजी (Bitter Gourd Bhaaji)