कालवलेले पोहे (Kalavalele Pohe)




Here is my link to English version of this recipe.

साधारण ३ वर्षापुर्वी मी हे पोहे पहिल्यांदा खाल्ले. मी बेंगलोरला माझ्या चुलत बहीणीला भेटायला गेले असताना तुला नवीन वेगळे काय खायला घालू? असा विचार करत तुला कुमठ्याचे पोहे खायला घालते असे ती म्हणाली. तिच्या सासुबाई कुमठ्याच्या आहेत आणि अप्रतिम स्वयंपाक करतात. ती पोहे करत असताना माझे निरिक्षण चालु होते. पातळ पोहे, थोडा गुळ, मस्त ताजे ओले खोबरे, आणि एक लालभडक रंगाचा मसाला. ती या पोह्यात थोडा कच्चा कांदा पण घालते म्हणुन मग तिने मला विचारले सकाली कच्चा कांदा खाशील का? माझे उत्तर होते 'कसे लागते त्यावर अवलंबून आहे!' तिने थोडे कांदा घालून आणि थोडे तसेच बनवले.

मी नेहेमी वापरते/करते त्याहून तो मसाला थोडा वेगळाच होता. त्यात कोल्हापूर/बेळगावकडे मिळणारी ब्याडगी/बेडगी मिरची वापरली होती. या मिरचीचे वैशिष्ट्य हे की तिखटाला एकदम कमी आणि रंगाला एकदम लालभडक अशी असते. एवढेसे तिखट घातले तरी पदार्थ मस्त लाल होतो.

पहिल्या घासालाच मी या पोह्यांच्या प्रेमात पडले. अर्थात मला कांदा न घातलेलेच जास्त आवडले! बहीणीने थोडा मसाला मला बरोबर नेण्यासाठी दिला. पण ती पुडी तिथेच विसरली हे इथे आल्यावर बॅगा उचकल्यावर समजले. तिला फोन करुन रेसीपी विचारली तर तिची उत्तर होते 'मला कुमठ्याहुन येतो!!

त्यावर मी बरेच दिवस हा मसाला कसा करायचा हे शोधत होते. पुढे कधीतरी शिल्पाचा ब्लॉग चाळताना मला तो मसाला सापडला लगेच करून पाहीला! तोच रंग, तीच चव!!
Pohe Masala
तो हा मसाला -
१ कप धने
१/२ बडीशेप
१/४ कप जिरे
४ लवंगा
२ इंच दालचीनीचा तुकडा
३-४ टेबलस्पून लाल मिरची पावडर (ब्याडगीची मिरची पावडर असेल तर थोडी जास्त पण चालेल)
मसाल्याची कृती - तिखट वगळून सर्व जिन्नस कोरडे भाजून घ्यावेत. मिक्सरमधे बारीक पावडर करावी शेवटी मिरची पावडर मिसळून कोरड्या बरणीत भरून ठेवावे.

(ही रेसिपी शिल्पाची जशीच्या तशी लिहिली आहे)

KumaTha Pohe


मी पोहे बनवण्यासाठी रेसीपी पण शिल्पाचीच वापरते पण खोबरे थोडे कमी वापरते. ती रेसीपी -
१ कप पातळ पोहे
१/४ कप ओले खोबरे (ताजे किंवा फोझन)
१ टीस्पून गूळ
१ टीस्पून वर लिहिलेला पोहे मसाला
चवीप्रमाणे मीठ

कृती - गूळ १-२ चमचे पाण्यात भिजत ठेवावा. त्यात पोहे मसाला, मीठ, खोबरे घालून नीट मिसळावे. पोहे थोडे कोरडे वाटत असतील तर त्यावर थोडे पाणी शिंपडावे.
(ही कृती पण शिल्पाचीच आहे.)

हे पोहे नुपुरच्या 'MBP July'08: Less is More!' साठी!

Here is my link to English version of this recipe.


Less is More!

Comments

  1. I want to run into the kitchen and make this right away! Thank you for participating in the event.

    ReplyDelete
  2. सही! फोटो पण भारी आहेत :)मी 'पोहे' या प्रकाराची जबरदस्त फॅन आहे. कांदे पोहे, बटाटे पोहे, दडपे पोहे, लावलेले पोहे... कुठल्याही प्रकारचे पोहे द्या... अस्मादिका खुश!

    हे कालवलेले पोहे पण मस्त आहेत. पण मला मसाला बे एरियातून आला तर फार बरं होईल! ;-)

    ReplyDelete
  3. Looks so good, Minoti! Similar to the dadpe pohe I am familiar with, but I have found out that daDape pohe itself has too many variations. A friend who has relatives in Kumta was telling me that this masala is so special to Kumta that it is not available even a few miles outside of town! And that byadgi mirchi - uff, just cannot be subbed - I bought a vangi bhaat masala from Bangalore that had that special 'red' and 'spicy' quality you talk about.

    ReplyDelete
  4. Nupur, try it whenever you can! Thanks for accepting the entry.

    Priya, my brother is like you, loves pohe in any form and kind :) masala will come when it has to come :)

    ET, thank you! Yes it is similar Dadape Pohe. And I you are right about the Kumata Masala! You must get the real byadagi chili powder.

    ReplyDelete
  5. LOVE IT!
    Just great.

    I like the blog a lot.

    I will try this soon. Though I am not good at cooking skills....

    I will also try to share the delicacies at my place.

    ReplyDelete
  6. Prashant - Please share your recipes as well :)

    ReplyDelete
  7. Mast zale pohe!! Mi thodi kothimbir aani thoda limbu pilun ghetle as per my taste.. Thanks for this simple yet wonderful recipe..

    ReplyDelete

Post a Comment

Thank you for stopping by my culinary adventures. I appreciate your visits and comments. Please stop by again.