संत्र्याचा भात (Orange Rice)

माझ्या वाढदिवसाला बरेचदा घरी साखरभात आणि बटाटेवडे असा साधा सोपा मेनु असायचा. उन्हाळाच्या सुट्टीत वाढदिवस येत असल्याने कधी मैत्रिणीना बोलावुन वाढदिवस साजरे करणे होत नसे. कॉलेजमधे असताना सुट्टी नसली तरी बरेचदा पी.एल. असे मग कुठला वाढदिवस आणि कुठले काय. जर्नल्स पूर्ण करा, व्हायवा ची तयारी करा असल्या कारणानी वाढदिवसाची वाट लागलेली. त्यामुळे साखरभात = वाढदिवस हे समिकरण मात्र डोक्यात फिट्ट बसलेय. पण गम्मत म्हणजे मी स्वत: साखरभात जवळपास आज्जीबात बनवत नाही. तसे खास कारण नाही पण बनवत नाही येवढेच. परवा एक गम्मत झाली. आवडीने ब्लड ऑरेंजेस आणली आणि एक कापुन खाल्ले आणि मग रोजच्या घाईगडबडीत उरलेल्या २ संत्र्यांकडे लक्ष जवळापास २-३ दिवस लक्ष पण गेले नाही. मग उरलेली संत्री खराब होऊ नये म्हणुन मग रस काढुन पिऊन टाकु म्हणुन रस काढला. ग्लासमधे ठेवलेला तो लालबुंद रस पिणे माझ्याच्याने होईना कारण? अर्थात रंग! 'ब्लड ऑरेंज' असे सार्थ नाव धारण करणार्‍या फळाचा रस आणखीन कसा असणार? मग आता एवढा काढलेला रस काय करायचा? मग ओगलेआज्जी मदतीला आल्या. रुचिराबद्दल मी काय बोलणार? जवळपास प्रत्येक प्रकारची पारंपारीक भाज्या, भात, गोड पदार्थ आज्जीनी त्यात लिहिले आहेत. काही वेळेला एखादी भाजी नवीन प्रकारे करण्यापेक्षा पारंपारीक पद्धतीने करावी वाटते आणि हमखास रेसिपी आठवत नसते तेव्हा आज्जींचे हे पुस्तक मला उपयोगी पडते. रुचिरामधे त्यांनी २ प्रकारचे संत्री भात दिलेले आहेत. त्यातला एक मला सोपा वाटला म्हणुन मी करुन पाहीला. आंबटगोड चविचा हा भात दिसायला अप्रतीम अणि करायलाही अगदी सोपा आहे. मी प्रथम करताना जवळपास तंतोतंत रेसिपी वापरुन केला पण परत एकदा केला तेव्हा मात्र माझ्या पद्धतीने बदल करुन थोडा सोपा केला. तीच ही रेसीपी -

Blood Orange Rice
१ कप तांदूळ
१.२५ कप साखर (आवडीप्रमाणे कमी जास्त करावी)
२ कप संत्र्याचा रस
१ कप पाणी
किंचीत मीठ (जास्तीत जास्त १/४ टीस्पून)
५-६ काजु/बदाम/पिस्त्याचे काप
१ संत्रे सोलुन पकळ्या काढुन
१ संत्र्याची साल खिसुन (ऑरेंज झेस्ट)

कृती -
संत्रे नीट सोलून पाकळ्या सुट्ट्या करुन फक्त गर काढुन बाजुला ठेवावा. तांदूळ धुवुन त्यात पाणी, संत्र्याचा रस, ऑरेंज झेस्ट आणि मीठ एकत्र करुन राईस कुकरला शिजवण्यास ठेवावा. भात शिजला की लगेचच साखर आणि संत्र्याचा गर घालुन नीट मिसळावे. त्यातच काजु/बदामाचे काप घालुन थोडावेळ राईसकुकर परत चालू करावा. मिसळलेली साखर आता विरघळेल आणि पाक तयार होईल. पाक थोडा आटत आला की कुकर बंद करुन थोडावेळ भात नीट मुरु द्यावा. गरम गरम खाण्यास द्य्यावा.

टीप -

1. राईसकुकर नसेल तर तांदळात संत्र्याचा रस, मीठ आणि पाणी एकत्र करुन जाड बुडाच्या पातेल्यात नुसताच गॅसवर ठेवुन भात शिजवून घ्यावा भात अर्धवट शिजला की ऑरेंज झेस्ट आणि काजु-बदामाचे काप घालून पूर्ण शिजु द्यावा. गॅस अगदी बारीक करुन साखर आणि संत्र्याच्या पाकळ्या मिसळाव्यात. लोखंडाचा तवा भात शिजवलेल्या पातेल्याखाली ठेवुन गॅसची आच मंद करावी आणि झाकण ठेवुन साखरेचा पाक नीट घट्ट होऊ द्यावा. पाकाचे पाणी आटले की गॅस बंद करुन भात नीट मुरु द्यावा.
2. भात शिजवताना गरजेप्रमाणे पाणी कमी आधीक करावे.
3. भारतात साखर बरीच मोठी असते त्यामुळे ती मिक्सरमधुन थोडी बारीक करुन घ्यावी.

Thank you Khaugiri for passing this wonderful award to me!



I will like to pass this on to Vaishali!

Comments

  1. Wow very inovative....... Lovely presentation!!!

    ReplyDelete
  2. Thank you Khaugiri.

    Harekrishnji, deadly indeed ;)

    ReplyDelete
  3. dear mints, you can get wheat montana easily, including at walmart. or try other brands like king arthur (available at trader joe).

    ReplyDelete
  4. I am out to buy a pack! Thank you Bee.

    ReplyDelete
  5. खुपच नाविन्यपुर्ण ! मस्त आहे ही पाककृती

    ReplyDelete

Post a Comment

Thank you for stopping by my culinary adventures. I appreciate your visits and comments. Please stop by again.

Popular posts from this blog

कुरकुरीत कांदा भजी (Kanda Bhaji - Onion Fritters)

इडली-चटणी-सांबार (Idli chutney Sambar)

कारल्याची भाजी (Bitter Gourd Bhaaji)