Posts

Showing posts from April, 2009

उन्हाळ्यातला गारवा (Cooling Down With Salads)

Image
उन्हाळा आला की मला प्रथम आठवतात त्या वेगवेगळ्या कोशिंबीरी. मम्मी खुप वेगवेगळ्या प्रकारच्या कोशिंबीरी करत असे. त्यातल्या काही आठवतात काही नाही. ज्या आठवतात त्या इथे लिहिल्या आहेत -

कोबीची/गाजराची/काकडीची कोशिंबीर

पालकाची कोशिंबीर


बीटची कोशिंबीर

अजुनही ३-४ प्रकारच्या कोशिंबीरी लिहिल्यात त्या सगळ्या इथे सापडतील -
http://vadanikavalgheta.blogspot.com/search/label/Salad-Koshimbir

संत्र्याचा भात (Orange Rice)

Image
माझ्या वाढदिवसाला बरेचदा घरी साखरभात आणि बटाटेवडे असा साधा सोपा मेनु असायचा. उन्हाळाच्या सुट्टीत वाढदिवस येत असल्याने कधी मैत्रिणीना बोलावुन वाढदिवस साजरे करणे होत नसे. कॉलेजमधे असताना सुट्टी नसली तरी बरेचदा पी.एल. असे मग कुठला वाढदिवस आणि कुठले काय. जर्नल्स पूर्ण करा, व्हायवा ची तयारी करा असल्या कारणानी वाढदिवसाची वाट लागलेली. त्यामुळे साखरभात = वाढदिवस हे समिकरण मात्र डोक्यात फिट्ट बसलेय. पण गम्मत म्हणजे मी स्वत: साखरभात जवळपास आज्जीबात बनवत नाही. तसे खास कारण नाही पण बनवत नाही येवढेच. परवा एक गम्मत झाली. आवडीने ब्लड ऑरेंजेस आणली आणि एक कापुन खाल्ले आणि मग रोजच्या घाईगडबडीत उरलेल्या २ संत्र्यांकडे लक्ष जवळापास २-३ दिवस लक्ष पण गेले नाही. मग उरलेली संत्री खराब होऊ नये म्हणुन मग रस काढुन पिऊन टाकु म्हणुन रस काढला. ग्लासमधे ठेवलेला तो लालबुंद रस पिणे माझ्याच्याने होईना कारण? अर्थात रंग! 'ब्लड ऑरेंज' असे सार्थ नाव धारण करणार्‍या फळाचा रस आणखीन कसा असणार? मग आता एवढा काढलेला रस काय करायचा? मग ओगलेआज्जी मदतीला आल्या. रुचिराबद्दल मी काय बोलणार? जवळपास प्रत्येक प्रकारची पारंपारीक भा…

Strawberry Lemonade

Image
काल-परवापर्यंत थंडी पडतेय असे वाटत असतानाच अचानक तापमान वाढायला लागले. आईस टी, स्वीट टी, लेमोनेड वगैरे काहीतरी करायला लागणार अशी टळटळीत दुपार. भारतात उन्हाळ्यात पन्हे, लिंबाचे गार सरबत, अंबील असले पदार्थ घरात नेहेमी असतात. इथे हे सगळे करायला हरकत नसते पण मग बरेचदा कंटाळा पण येतो करायचा. संत्री, टँजरीन खाउन खाउन किती खाणार? अशाच एका टळटळीत दुपारी केलेले हे स्ट्रॉबेरी लेमोनेड. समोर मैत्रिणीच्या घरची मायर लेमन्स पडलेली, कोपर्‍यावरच्या बाबाकडे घेतलेल्या मस्त ताज्या स्ट्रॉबेरीज पण होत्याच आणि त्या उन्हाने वाया जाउ नये म्हणुन काय करावे हा विचारच चालु होता. त्यातुनच सुचलेला हा पदार्थ मागे कधीतरी असलेच काहीतरी काकुकडे प्यायलेही होतेच. करायला हा प्रकार एकदम सोपा.

Floating Strawberry ice cube

स्ट्रॉबेरी क्युब्ज:
१०-१२ मोठ्या स्ट्रॉबेरीज
४-५ पुदिन्याच्या काड्या
१-२ टेबलस्पून साखर (वगळण्यास हरकत नाही)
चिमुटभर मीठ

कृती -
स्ट्रॉबेरीज स्वच्छ धुवुन देठ काढुन मोठ्या मोठ्या चिरुन घ्याव्यात. पुदिना धुवुन त्याची फक्त पाने काढुन घ्यावीत. एका मिक्सरच्या भांड्यात दोन्ही टाकावे. स्ट्रोबेरीज खुप अंबट असतील तर थोडी स…

बेक केलेली मटारची करंजी (Baked Matar Karanji)

Image
भारतात डिसेंबर जानेवारीमधे मटार मिळायला लागले की आठवणीने आणि आवडीने केले जाणारे पदार्थ म्हणजे मटार भात, मटार उसळ, एकुणात ज्यात म्हणुन मटार घलता येईल त्यात घालुन सिझनचा आनंद लुटायचा. त्यातलाच अजुन एक पदार्थ म्हणजे'मटारची करंजी'! सामोसा वगैरे प्रकार मला त्यामानाने खुपच उशिरा समजले त्याआधी ही करंजिच खुप आवडत असे. मग जरा शिंगे फुटल्यावर समोसे खाणे कसे ग्रेट वगैरे वाटे. घराबाहेर पडल्यावर मात्र मम्मीच्या हातच्या करंज्याची चव कश्शाला म्हणुन नाही हे चांगलेच कळले.तर अशी ही मटार करंजी स्वत: करायची वेळ आली तेव्हा मात्र जीव आगदी हैराण! अमेरिकेतल्या अपार्टमेंट मधले एवढेसे ते किचन एक दिवस तळण केले तर २ दिवस तो वास घरात भरुन राहिलेला हे सगळे आणि त्यातुन कधईत ओतलेले तेल कमी झालेले पाहिले आणि तळण या प्रकारची एकदम धस्तीच बसली ती इतकी की आता मोठे किचन असुनही एकही तळण मी करत नाही. मग एकदा धाडस करुन या करंज्या बेक केल्या त्या एवढ्या चामट झाल्या की परत कानाला खडा. खुपदा पायक्रस्ट आणुन प्रयोग कराव वाटे पण त्यातल्या बटरचे प्रमाण पाहुन धाडस मात्र कधी झाले नाही. मागच्या महिन्यात वैशालीची Empanadas रेसि…

काकडीचे थालीपीठ (Kakadiche Thalipeeth)

Image
English version of the this recipe.

थालीपीठ हा बहुदा प्रत्येक मराठी माणसाचा वीक पॉइंट असतो. कांद्याचे थालीपीठ, काकडीचे थालीपीठ, धपाटे असले वेगवेगळे प्रकार खाण्यासाठी अगदी प्रत्येकाने आईकडे लाडीगोडी लावलेली असते. गरम थालीपीठ आणि त्यावर मस्त घरच्या लोण्याचा गोळा यासरखे सुख नाही. अमेरिकेत आल्यावर पहिले सुख कमी होते ते म्हणजे घरचे दही, दूध, लोणी वगैरे. त्यानंतर मग बॅगमधे घालुन आणलेली घरची भाजणी संपली की मग रहाते ते आईच्या हातच्या थालीपीठाची चव आठवुन भारतवारीची वाट पहाणे किंवा मग लोकल दुकानातुन केप्रची थालीपीठ(बरेचदा कमितकमी एक वर्ष जुनी) भाजणी आणुन त्याची थालपीठे गोड(?) मानुन गिळणे. इथल्या बर्‍याच दुकानातुन आजकाल केप्रची पीठे, मसाले मिळातात तरी. ७-८ वर्षापुर्वी तर तेवढेही नव्हते. अशा परिस्थीतीत मग वेगवेगळे शोध लावणे भाग पडते. तसाच लागलेला हा शोध. एकदा काकडीची थालिपीठे खायची इच्छा झाली आणि घरी भाजणी नव्हती. मग काय घरात होती ती पीठे एकत्र केली आणि गॅसवर भाजली आणि एकादाची थालिपीठे करुन खाल्ली. मग पुढच्यावेळी करताना ओव्हनमधे भाजले. मग २-३ वेळा करुन ओव्हनच्या तापमानाचे गणित पक्के केले. आता घरची…

ग्वाकमोले आणि सालसा (Guacamole and Salsa)

Image
भारतातुन इकडे आल्यावर बर्‍याच नविन प्रकारचे पदार्थ ऐकायला आणि पहायला मिळतात. आणि माझ्यासारख्या खवय्यीला तर मग काय खाउ आणि काय नको असे होऊन जाते. पहिल्यांदा जेव्हा चिलिज नावाच्या रेस्टॉरंटमधे गेले तेव्हापासुन मला सालसा आणि ग्वाकमोले खुप आवडायला लागले. मग काकुने मला आव्हाकाडो कसा कपायचा वगैरे शिकवले आणि तेव्हापासुन बरेचदा वेगवेगळ्या प्रकारे करुन पाहिले. आत्ता लिहितेय ती रेसिपी सगळ्यात सोपी आणि आवडीची. अशाच प्रकारे सालसा पण वेगवेगळ्या प्रकारचे करते आणि आवडतात देखील. मी जेव्हा फक्त रॉ फूड खात होते तेव्हा या रेसिपींनी मला बराच हात दिला होता. कारण वेगवेगळ्या स्वादाचे सालसे नुसते वाटीभर-भरुन खायला मजा येते.

ग्वाकमोले
Guacamole

१ आव्हाकाडो
१ टोमॅटो
४-५ टेबल्स्पून चिरलेला कांदा
१ लसूण पाकळी
१ टीस्पून जिरेपूड
चवीप्रमाणे मीठ
१/२ लिंबाचा रस
मुठभर चिरलेली कोथिंबीर
आवडत असेल तर बारीक चिरलेली मिरची १/२ ते १ टीस्पून

कृती:
१. कांदा, टोमॅटो बारिक चिरुन घ्यावा.
२. कोथिंबीरही शक्यतो बारिक चिरलेली असावी
३. मिरची घालायची असेल तर अगदी बारीक चिरुन किंवा वाटुन घ्यावी.
४. लसुण बारिक चिरुन अथवा आले खिसायच्या खिसणीने खिसुन घ्…