Wednesday, April 25, 2007

मुळ्याची कोशिंबीर - २ (Radish Salad -1)

१ कोवळा मुळा पानांसहीत
१/२ लाल कांदा
१/२ वाटी दही
मीठ, साखर चवीप्रमाणे
२ मिरच्या उभ्या चिरुन
फोडणीसाठी तेल, जिरे, मोहरी, कढीपत्ता, हळद, हिंग

कृती - मुळ्याची कोवळी पाने काढुन धुवुन बारीक चिरुन घ्यावी. मुळा साल काढुन बारीक खिसुन घ्यावा. कांदा एकदम उभा आणि पातळ कापुन घ्यावा. लहान कढईत तेलाची फोडणी करुन घ्यावी. त्यात मिरची घालुन थोडे हलवावे. त्यात कांदा घालुन नीट सोनेरी रंगावर परतुन घ्यावा. मुळ्याचा पाला, खिस, मीठ, साखर आणि परतलेला कांदा एकत्र करावा. खायला वाढतेवेळी दही घालुन नीट मिसळुन घ्यावे.

टीप - मुळ्याचा पाला कोवळा नसेल तर घालु नये. तो घशाला टोचतो. त्याऐवजी थोडी बारीक चिरलेली कोथिंबीर घातली तरी छान लागते.
लाल मुळे वापरायचे असतील तर साधारण ६-७ मुळे लागतील.

No comments:

Post a Comment

Thank you for stopping by my culinary adventures. I appreciate your visits and comments. Please stop by again.

भाजीचे सांडगे

महाराष्ट्रात खूप प्रकारची वाळवणे करण्याच्या पद्धती आहेत. त्यामागचा मुख्य उद्देश पदार्थ टिकवून गरजेवेळी वापरणे. यात सगळ्याप्रकाराचे पापड, कु...