सोयाबीन आणि गाजराची भाजी (Soybean and Carrot bhaaji)

Soybean and Carrot bhaaji
२ वाट्या फ्रोजन सोयाबीन्स (US मधे बरेच ठिकाणी मिळतात. भारतात ताज्या शेंगा मिळतात त्याचे दाणे काढुन घ्यावेत)
१ वाटी गाजराचे तुकडे (१/२ इंच लांबी रुंदीचे करावेत)
२-३ टेबलस्पुन ओले खोबरे
१-२ लसुण पाकळ्या
१ टीस्पून जिरे
२ हिरव्या मिरच्या (आवडीप्रमाणे कमी जस्ती करायला हरकत नाही.)
२ टेबलस्पून तेल, फोडणीचे सामान
१ चमचा गोडा मसाला किंवा गरम मसाला
चवीप्रमाणे मीठ

कृती - जिरे, खोबरे, लसुण, मिक्सरवर बारीक वाटुन घावे. जाड बुडाच्या पातेल्यात किंवा कढईत तेलाची फ़ोडणी करुन घ्यावी. त्यावर सोयाबीन परतुन घ्यावेत. साधारण परतत आले की त्यावर गाजर घालुन थोडावेळ परतावे. त्यावर केलेले वाटण घालावे. त्यावर गरम मसाला आणि चवीप्रमाणे मीठ घालावे. १-२ मिनीटे परतुन झाकुन मध्यम गॅसवर व्यवस्थीत शिजु द्यावे. शिजताना गरज असेल तर किंचीत पाणी घालावे. किंवा भांड्यावर झाकणीत पाणी घालुन तसे शिजवावे. शिजल्यावर गॅस बंद करुन वरून बारीक चिरलेली कोथींबीर घालावी.

टीप - भारतात थंडीमधे ताजे वाल/पावट्याचे दाणे मिळतात, सोयाबीनच्या ऐवजी ते घातले तरी भाजी छान होते.

Comments

  1. mee US madhye miLataat te chhoTe frozen Lima beans vaaprun (Soybeans chya aivajee) keli hoti! poLeebarobar garam-garam masta laaglee :)

    ReplyDelete

Post a Comment

Thank you for stopping by my culinary adventures. I appreciate your visits and comments. Please stop by again.