वेज कुर्मा (Vegetable Kurma)

Here is English version of this recipe - http://vadanikavalgheta.googlepages.com/vegetablekurma


२ मोठे बटाटे
२ मोठे लाल कांदे
२ मध्यम टोमॅटो
साधारण १/२ वाटी खोवलेले ओले खोबरे (थोडे कमी वापरले तरी चालते)
२-३ मध्यम पाकळ्या लसुण
छोटा तुकडा आले
२ वेलचीचे दाणे
लाल तिखट, मीठ चवीप्रमाणे
२ चमचे गरम मसाला
फोडणीसाठी सढळ हाताने तेल, जिरे, मोहरी, हळद, कढीपत्ता, हिंग

कृती - कांदा उभा पातळ कापावा म्हणजे व्यवस्थीत भाजला जातो. बटाटे धुवुन साल न काढता त्याचे साधारण १ इंचाचे तुकडे करावेत. टोमॅटोचे पण साधारण त्याच आकाराचे तुकडे करुन घ्यावेत. एका जाड बुडाच्या कढईत अर्धे तेल तापायला ठेवावे. त्यात जिरे घालुन कांदा परतायला घ्यावा. अर्धा परतत आल्यावर त्यात लसुण आणि आल्याचे तुकडे घालावेत. त्यात ओले खोबरे घालावे आणि व्यवस्थीत सोनेरी रंगावर परतुन घ्यावे. नीट परतल्यावर थोडावेळ थंड होऊ द्यावे. आणि मिक्सरवर बारीक वाटुन घ्यावे.
आता उरलेले तेल त्याच कढईत तापत ठेवावे, जिरे, मोहरी, कढिपत्ता, हिंग, हळद घालुन फोडणी करावी. त्यातच वेलचीचे दाणे पण घालावेत. बटाट्याचे तुकडे घालुन ते नीट परतुन घ्यावे. त्यावर टोमॅटो घालुन परतावे. त्यावर केलेले वाटण घालुन एकदा परतावे. तिखट, मीठ, गरम मसाला घालावा. शिजण्यापुरते पाणी घालुन गॅस बारीक करुन झकण न ठेवता शिजवत ठेवावे. अर्धी कोथिंबीर शिजताना घालावी. बटाटे नरम शिजले की उरलेली कोथिंबीर घालुन गॅस बंद करावा.

टीप - १. कांदा व्यवस्थीत परतुन घ्यावा नाहीतर चव चांगली लागत नाही. आणि अर्धवट भाजलेल्या कांद्याचा वास पण वेगळा येतो.
२. मला फक्त बटाट्याचा कुर्मा आवडतो पण फ्लॉवर, ग्रीन बीन्सचे मोठे तुकडे घातले तरी छान लागते.
३. हा पदार्थ पुरी बरोबर छान लागतो (असे सगळे म्हणतात)!!!

Comments

  1. khamanga aahe receipe... dusarya blog varachi kurmyachi goshthi khamang zaliye :)

    ReplyDelete
  2. Gram msala konta ghyava nkki???

    ReplyDelete
    Replies
    1. koNatahi general garam masala chalato. Me ha vaparate - http://www.vadanikavalgheta.com/2011/08/mummys-garam-masala.html

      Delete

Post a Comment

Thank you for stopping by my culinary adventures. I appreciate your visits and comments. Please stop by again.