वदनी कवळ घेता नाम घ्या श्रीहरीचे | सहज हवन होते नाम घेता फुकाचे ||
जीवन करी जिवित्वा अन्न हे पूर्ण ब्रह्म | उदरभरण नोहे जाणिजे यज्ञकर्म ||

Sunday, March 10, 2013

बटाट्याच्या काचर्‍या


(Link to English Recipe)

बटाट्याच्या काचर्‍या हा अगदी झटपट होणारी भाजी आहे. फक्त बटाटे आणि तिखट मीठ, थोडे तेल येवढेच लागणारे - येवढ्यातच तयार होणारा हा चविष्ट पदार्थ.


३-४ बटाटे
२ टेस्पून तेल
फोडणीसाठी - जिरे, मोहरी, हळद, हिंग
चवीप्रमाणे मीठ आणि लाल तिखट

कृती - 
बटाट्याच्या साली काढाव्यात.
प्रत्येक बटाट्याचे ४ भाग करुन पातळ कापावेत आणि पाण्यात घालावेत.
जाड बुडाचे पातेले, लोखंडाचे असेल तर उत्तम, तेल घालून तापायला ठेवावे जिरे-मोहरी-हिंग-हळद घालून नेहेमीप्रमाणे फोडणी करावी.
बटाट्याचे काप निथळून तेलावर ३-४ मिनिटे परतावेत. आच मध्यम करून झाकून ठेवावेत. साधारण २-३ मिनिटांनी परत
हलवावे.
बटाटे अर्धवट शिजले असतील तर मीठ आणि तिखट घालावे. व्यवस्थित परतून परत एकदा झाकण लावून बटाटे पूर्ण शिजू द्यावेत.
गरम गरम पोळी आणि लोणच्याबरोबर फस्त करावेत.

टीपा - 
  1. मी यात थोडेसे दाण्याचे कूट घालते. 
  2. कधी कधी तिखटऐवजी थोडा दाबेली मसाला घालून ही भाजी करते. ते अप्रतीम लागते. 
  3. ही भाजी, टोमॅटो, काकडी, हिरवी चटणी घालून sandwiches करते ते मस्त पोटभरीचे होतात. 


2 comments:

  1. mast!:-)

    hirvya mirchicha swaad pan mast lagto yaamadhye.

    ReplyDelete
  2. अश्या सोप्या सोप्या गोष्टींची तू आठवण करून देतेस ते फार छान करतेस!

    ReplyDelete

Thank you for stopping by my culinary adventures. I appreciate your visits and comments. Please stop by again.

LinkWithin Related Stories Widget for Blogs