कॅरामल फ्लान (Caramel Flan)

अलीकडे एका मैत्रीणीने मला अवडतो म्हणुन Caramel Flan केला होता. पण जिलेटीन प्राणीजन्य पदार्थ असल्याने मी खात नाही तसेच अंडी पण खात नाही म्हणल्यावर तिला वाईट वाटले. पण त्या दिवसापासुन मला आपण वेगन फ्लान करुन पहायचाच असे वाटायला लागले. त्याच प्रयत्नाना आलेले हे फळ -

Caramel Flan

२ कप दूध (सोया, Almond यापैकी कोणतेही)
१ टीस्पून व्हॅनीला एक्स्ट्रॅक्ट
४ टेबल्स्पून साखर
१ टेबल्स्पून अगार अगार फ्लेक्स

कॅरामल साठी -
३-४ टेबल्स्पून साखर
१ टेवल्स्पून पाणी

कृती - अगार अगार पावडर एका वाटीत घालून त्यावर ते भिजेल इतके पाणी घालुन आजुला ठेवावे. जाड बुडाच्या पातेल्यात दूध, साखर एकत्र करून उकळण्यासाठी ठेवावे. एक उकळी आली की त्यात व्हॅनीला आणि अगार अगार घालून गॅस बारीक करावा.

दुस-या गॅसवर एका जाड बुडाचा लहान पातेल्यात साखर आणि पाणी एकत्र करून ठेवावे. ते एक्सारखे ढवळत रहावे. थोड्यावेळात साखरेतले पाणी संपूर्ण आटून परत खडे बनतील. ते तसेच गरम करत रहावे. काही मिनीटातच ते खडे विरघळून पाक होईल. हेच ते कॅरामल. यात आता थोडे पाणी घालून थोडे पातळ राहु द्यावे. ते कॅरामल तुम्हाला फ्लान ज्या भा.ंड्यात बनवायचा आहे त्यात खाली ओतावे.

तोपर्यंत दूधाला नीट उकळी आलेली असेल. ते उकळलेले दूध कॅरामल घातलेल्या भांड्यात गाळुन ओतावे. ते भांडे आता फ्रिजमधे सेट होण्यसाठी ठेवावे. साधारण २-३ तासात फ्लान तयार होईल.

हा तयार झालेला फ्लान आता बाहेर काढुन त्यात कडेने हळूवारपणे सुरी फिरवून पातेल्यापासून सोडवावा. एका दिशमधे हे फ्लानचे भांडे उलटे करावे. थोडा हळुवार धक्का देत फ्लान पातेल्यापासून सोडवून घ्यावा. कापून थंडगार सर्व्ह करावा.

टीप - १. अगार अगार फ्लेक्स म्हणाजे भारतात ज्याला चायना ग्रास म्हणातात तेच.
२. जिलेटीन नावाने जो जेल मिळतो तो प्राणीजन्य असतो.
३. अगार अगारचे फ्लेक्स आणि पावडर दोन्ही मिळतात फ्लेक्स्पेक्षा पावडर कमी लागते. १ टेबल्स्पून फ्लेक्स ऐवजी १.५ टीसून पावडर वापरावी लागेल.
४. सोया, Almond च्या दूधाऐवजी साध्या दुधाचा पण हा पदार्थ करता येतो.

Comments

  1. आहा! काय भारी चाललंय इथे!
    [जिभल्या चाटणारा चेहरा :) ]

    ReplyDelete
  2. Hey, excellent eggless version! I make it with eggs but nice to see that non-egg eaters have an option.

    ReplyDelete
  3. Oh yeah, I understand caramel flan. I like 'em :)

    Phuong

    ReplyDelete
  4. Harekrishnji - Flan is kind of a custard usually made of eggs or gelatin and milk.

    GD - :D

    Phuong - hahaha

    ET - Yeah! :)

    ReplyDelete
  5. Hi Minoti,
    Could you tell me where can I find Agar agar powder??
    This vegan flan sounds very interesting :)

    Thanks
    -Kanchan

    ReplyDelete
  6. Kanchan, I get mine in Whole Foods. You can also get it in Chinese Markets but I dont know the brands :)

    also you can order from Amazon.

    ReplyDelete

Post a Comment

Thank you for stopping by my culinary adventures. I appreciate your visits and comments. Please stop by again.